Саясат

Кыргызстан менен Швейцария кызматташтыкты өнүктүрөт

Ишкер Media

22 окт 2026 16:19

Министрлер кабинетинин төрагасы Адылбек Касымалиев Швейцариянын Улуттук кеңешинин төрагасы Пьер-Андре Паж менен жолугушту. Бул тууралуу 22-октябрда МинКабдан билдирди.

Билдирүүгө ылайык, жолугушуунун жүрүшүндө тараптар эки тараптуу кызматташтыкты өнүктүрүү маселелерин жана өз ара аракеттенүүнүн мындан аркы келечегин талкуулашты.

МинКаб төрагасы Швейцария Кыргызстандын Европадагы маанилүү өнөктөштөрүнүн бири экенин белгилеп, саясий диалогду бекемдөөгө, соода-экономикалык жана маданий-гуманитардык кызматташтыкты өнүктүрүүгө кызыкдар экенин билдирди.

Эки тараптуу мамилелерди жаңы деңгээлге чыгаруу максатында Адылбек Касымалиев эки мамлекеттин башчыларынын өз ара сапарларын уюштурууну жана инвестициялык багытты чыңдоого басым жасоону сунуштады.

Мындан тышкары, Касымалиев эки өлкөнүн ортосундагы парламенттер аралык кызматташтыктын маанилүү ролун белгиледи.

Өз кезегинде Швейцариянын Улуттук кеңешинин төрагасы экономика, энергетика, айыл чарба жана өзгөчө кырдаалдардын алдын алуу жаатында эки тараптуу кызматташтыкты мындан ары өнүктүрүүгө кызыкдар экенин билдирди.

Жыйынтыгында тараптар Кыргызстандагы инвестициялык климатты жакшыртууга басым жасоо менен эки тараптуу макулдашууларды жана өнүктүрүү программаларын ишке ашырууга даяр экендиктерин тастыкташты.

Мындан тышкары окуңуз

Ашхабадда билим берүү министрлеринин жыйыны өттү

Бүгүн Түркмөнстандын Ашхабад шаарында Борбордук Азия өлкөлөрүнүн жана Монголиянын билим берүү министрлеринин тегерек столу өттү. Бул тууралуу Агартуу министрлигинен маалымдады. Билдирүүгө караганда, бул иш-чара билим берүү тармагындагы аймактык кызматташтыкты чыңдоого, тилдик азчылыктарды колдоого жана этностор аралык ынтымакты өнүктүрүүгө багытталган. Агартуу министринин орун басары Надира Жусупбекова "Көп тилдүү ыкмалар

Кыргызстанга акча которуулардын көлөмү 2026-жылдын августунда азайды

Кыргыз Республикасынын Улуттук банкынын маалыматына ылайык, 2026-жылдын август айында Кыргызстанга жеке адамдар тарабынан которулган акчанын таза агымы 269,6 млн $ түздү. Бул көрсөткүч 2025-жылдын август айындагы 342,5 млн $ салыштырмалуу төмөн. Маалыматка караганда, акча которуулардын негизги бөлүгү Россиядан которулуп келген. Август айында бул өлкөдөн 239,2 млн $ которулуп,

Президент: Жалал-Абад облусунун бюджети 5 жылда 4,5 эсеге өстү

Президент Садыр Жапаров Жалал-Абад облусунун бюджети 5 жылда 4,5 эсеге өскөнүн билдирди. Бул тууралуу өлкө башчы Манас шаарынын жана Сузак районунун жашоочулары менен жолугушууда айтты. Айтымында, 2021-жылы облустун боюджетинин көлөмү 2 миллиард 630 миллион сом менен бекитилген. "2025-жылы ал 11 миллиард 490 миллион сомду түздү.

Өлкө башчы Базар-Коргон эли менен жолукту

Президент Садыр Жапаров бүгүн, 22-октябрда, Жалал-Абад облусуна болгон иш сапарынын жүрүшүндө Базар-Коргон районунун активи жана тургундары менен жолугушту. Мамлекет башчысы райондун бюджетинин кыйла өскөнүн айтып, өздүк бюджеттик каражаттардын көбөйүшү менен катар аймак социалдык-экономикалык өнүгүү үчүн республикалык бюджеттен да олуттуу каржылык колдоо алып жатканын баса белгиледи. "