Изилдөө: бизнес-компаниялардын кызматкерлеринин орточо айлык акысы 58 миң сомду түзөт
2022-жылы 11 бизнес-компаниянын кызматкерлеринин орточо базалык айлык акысы 58.8 миң сомду түздү. Мындай маалыматты компаниялардагы эмгек акы рыногун изилдөөнүн жыйынтыгынын негизинде El Group Consulting берди.
Изилдөөгө тоо-кен, финансы жана жалпы сектордогу ишканалар – «Альянс Алтын» ЖЧК, «КазМинералс Бозымчак» ЖЧК, «Хайленд Эксплорейшн» ЖЧК, «Финка Банк» ЖАК, «Компаньон Банк» ЖАК, «Демир Кыргыз Интернэшнл Банк» ЖАК, «Банк Азия» ЖАК, «Балтика» ЖЧК, «Рейт Групп» ЖЧК жана Light Fields Management LLC. катышышкан.
Ишканаларда иштегендердин жалпы саны 6535 адамды түзөт.
El Group Consulting белгилегендей, изилдөөгө катышкан компаниялардын 6%ы жылдын аягында 13-айлыгын төлөшөт. Ал эми 5%ы кызматкерлердин эмгек акысын АКШ долларында (жарым-жартылай жана/же бардык кызматкерлер үчүн), 1% – орус рублинде жана 74% – сом менен беришет.
Компаниялардын 91%ы кызматкерлерине ар кандай бонустарды беришет. Көп учурда компаниялар кызматкерлерине мобилдик байланыш, окутуу жана тамак-аш акысын төлөшөт.
Компаниялардын эч бири маянаны кыскарткан эмес
2022-жылы аталган компаниялардан бир дагы компания кызматкерлеринин эмгек акысын кыскарткан эмес, ошондой эле 2023-жылы да кыскартууну пландаштырган эмес.
Ишканалардын 82%ы өлкөнүн бардык аймактарында иштейт. Көрсөтүлгөн ишканалардын төрттөн бир бөлүгү гана 100% кыргыз капиталына, 13%ы ишканалардын биргелешкен капиталына, 63%ы толугу менен чет элдик капиталга ээ.
Эксперттер ошондой эле ишканалардын 73%ы кызматкерлеринин айлык акысын жогорулатканын, орточо өсүү – 12%ды түзгөнүн аныкташкан. Ал эми ишканалардын 64% кызматкерлеринин эмгек акысын орто эсеп менен 9%га көтөрүүнү көздөшүүдө.
Кошумчалай кетсек, бул ишканаларда эмгек акыны накталай эмес (88%) төлөм басымдуулук кылат.
