Кыргыз компаниялары каражаттарын көбүрөөк чет элдик валютада кармай башташты
Кыргызстандагы компаниялардын депозиттеринин жалпы көлөмү 149.8 млрд сомдон ашты. Жыл башынан бери өсүш 41.7 млрд сомду түзгөнү Улуттук банктын отчетунда айтылат.
Эң чоң өсүштү чет өлкөлүк валютадагы депозиттер көрсөттү – ал январь айында 47.6 млрд сом болсо, сентябрдын акырына карата 74.3 млрд сомго жеткен. Мында мөөнөттүү депозиттердин көлөмү эки эсеге көбөйүп, 2.5 млрд сомдон 4.7 млрд сомго жетти. Ишканалардын эсептериндеги чет өлкөлүк валютадагы каражаттардын суммасы дээрлик 65 млрд сомго жетти. Жыл башында эсептерде 40 млрд сом гана болгон.
Улуттук валютада депозиттердин көлөмү 14.9 млрд сомго гана өсүп, 75.4 млрд сомго жетти:
- эсептешүү эсептери – 52 млрд сом
- суроо-талапка чейинкиси – 5.3 млрд сом
- мөөнөттүү депозиттер – 17.9 млрд.
