Masdar компаниясынын адистери майдын ортосунда Кыргызстанга келишет
2023-жылдын май айынын ортосунда Masdar компаниясынын техникалык адистери Кыргызстанга келишет. Чечим КРнын энергетика министри Таалайбек Ибраев менен Abu Dhabi Future Energy Company PJSC – Masdar (Бириккен Араб Эмираттары) компаниясынын өкүлдөрүнүн жолугушуусунда кабыл алынды. Бул тууралуу министрлик билдирди.
Тараптардын жолугушуусунун негизги максаты буга чейинки түзүлгөн келишимдин негизинде КР Энергетика министрлиги менен Masdar компаниясы 200 МВттык күндүн нурунан электр энергиясын алуучу станция куруу боюнча долбоорду ишке ашыруу маселелерин карады.
Мындан тышкары аталган долбоор боюнча күн станциясын Ысык-Көл, Жалал-Абад жана Нарын облустарындагы жер участокторуна жайгаштыруу боюнча иликтөө иштери каралууда.
Эске салсак, буга чейин министр Таалайбек Ибраев инвестициялык Masdar компаниясы менен 200 МВТтык күндүн нурунан электр энергиясын алуучу станция куруу боюнча документке кол коюлган.
Түзүлгөн келишимдин негизинде 4 ай «Masdar» компаниясы изилдөө иштерин жүргүзүшөт. Андан соң июнь айында станцияны куруу келишимине толук кандуу кирише баштайт.
План боюнча станция 2025-жылы колдонууга берилет.
