Парламенттин депутаттары «Кыргызиндустриянын» ишмердүүлүгү менен таанышты
Жогорку Кеңештин депутаттары 2023-жылдын 22-майында «Кыргызиндустрия» ААКнын ишмердүүлүгү менен жеринде таанышты. Бул тууралуу парламенттин маалымат кызматы кабарлады.
Маалыматка ылайык, эл өкүлдөрү «Кыргызкерамзит», «Кыргызбакча», «Кыргызтемирмык», «Кыргызтопчу» ишканаларынын ишин көрүштү. «Кыргызиндустриянын» жетекчиси Жарасул Абдураимов белгилегендей, мекеме 19 долбоорду ишке ашырып, анын 9 толук кубаттуулукта иштей баштап, өз продукциясын чыгарат. Ишкананын жалпы уставдык капиталы 1 млрд сом түзөт.
Талкуу маалында депутаттар долбоорлорду ишке ашырууга бөлүнгөн каржылык каражаттарды кайтаруу механизмдери, штаттык түзүмү жана «Кыргызиндустрия» ачык акционердик коомун тейлөө боюнча суроолорду ортого салып, комитеттин төрагасы Данияр Төлөнов, депутат Айбек Алтынбеков бул маселелерге өзгөчө көңүл бурушту.
