Ысык-Ата районунда Түштүк Кореянын жардамы менен курулган күнөскана жергиликтүү тургундарды жашылча менен камсыздоодо
Ысык-Ата районунун Узун-Кыр айыл аймагында жашылчаларды өстүрүүнүн инновациялык технологиясы менен иш алып барган In Water Solutions Agro ЖЧКнын күнөсканасында жашылча жана кулпунай өстүрүлөт. Бул тууралуу президенттин Чүй облусундагы өкүлчүлүгү кабарлады.
Маалыматка ылайык, Түштүк Кореянын өкүлдөрү менен биргеликте жаңы технологияларды колдонуу менен курулган күнөскана 5.3 га аянт жерди ээлейт.
Учурда жашылчалар жергиликтүү рынокко чыгууда. Күнөсканада айылдын жана райондун тургундары үчүн бир нече жумушчу оруну түзүлгөн. Райондун акими Алмазбек Осмонов, райондук агрардык өнүктүрүү башкармалыгынын башчысы Бек Жекшембаев күнөсканада жүргүзүлүп жаткан иштер менен таанышышты.
Учурда аянтты кеңейтүү жана дагы жашылчалардын бир нече түрүн өстүрүү боюнча аракеттер жүрүп жаткандыгын ишкерлер билдиришти.
