«Кыргызстан Аялдар лигасы» бизнес-клубу «Борбор Азия аялдар лигасын» түзүү ниетин билдирди. Бул тууралуу Соода-өнөр жай палатасынын башчысы Темир Сариев менен жолугушуу учурунда маалымдалды.

Жолугушууда тараптар эки тараптуу кызматташтыктын маанилүү маселелерин талкуулашты жана келечекке пландарды түзүштү. Айтылган жаңы уюмдун башкы максаты бизнес жана региондук экономикалык интеграция чөйрөсүндө аялдардын экономикалык ролун бекемдөө максатында Борбордук Азия регионунда ишкер айымдарды колдоо жана өнүктүрүү болот.

Мындан тышкары, «Кыргызстан Аялдар лигасы» бизнес-клубунун өкүлдөрү ар кайсы өлкөлөрдөгү ишкер кеңештерге мүчө болуу сунушун алышты. Ушуга байланыштуу, аялдар лигасынын катышуучулары КР СӨП өкүлү катары ар кандай ишкердик жана экономикалык демилгелерге активдүү катыша алышат.