Улуттук банк төрт банктын жетекчилигине талапкерлерине макулдугун берди
Улуттук банк төрт банктын жетекчилигине талапкерлерине макулдугун берди. Бул тууралуу мекеменен маалымат кызматы билдирди.
Такталгандай, «ЭкоИсламикБанк» ЖАКтын көз карандысыз шариат кеңешинин мүчөсү кызмат ордуна Рафаил Татиковдун талапкерлигине макулдук берилди.
Ошондой эле, «Капитал Банк» ААКтын башкы бухгалтери – бухгалтердик эсепке алуу жана отчеттуулук башкармалыгынын начальниги кызмат ордуна Асель Шеркулованын талапкерлиги кабыл алынды.
«ФинансКредитБанк» ААКтын директорлор кеңешинин төрагасы кызмат ордуна Эркебай Мурзабеков дайындалды.
«Евразиялык Сактык Банкы» ААКтын директорлор кеңешинин мүчөсү кызмат ордуна Азамат Акматовдун талапкерлине макулдук берилди. Ушул эле банктын директорлор кеңешинин мүчөсү жана аудит боюнча комитетинин төрагасы кызмат ордуна Динара Арзибаева дайындалды. Ошондой эле, директорлор кеңешинин мүчөсү жана тобокелдиктерди тескөө боюнча комитетинин төрагасы кызмат ордуна Нурлан Исабеков кабыл алынды.
