Бизнес

Россельхознадзордун тыюу салуусунан "Куликовский" Россияга балмуздактарын жеткире албай жатат

Ишкер Media

Россельхознадзордун тыюу салуусунан "Куликовский" Россияга балмуздактарын жеткире албай жатат

Россельхознадзор Кыргызстандан сүт азыктарын алып келүүгө тыюу салгандыктан, "Куликовский" кондитердик үйү балмуздактын айрым түрлөрүн Россиядагы филиалдарына жеткире албай жатат. Бул маалыматты Economist.kg басылмасына ишкананын маалымат кызматы тастыктады.

Куликовскийдин өкүлдөрүнүн айтымында, балмуздактын айрым түрлөрүнө, тагыраак айтканда, балмуздак жана каймакка тыюу салынган. Ошол эле учурда завод Россияга сорбеттерин жеткирүүнү улантууда.

Бул тыюу салуудан улам соода азайып калганын компаниянын басма сөз кызматы билдирди. Бирок компания жоготуулардын так суммасын ачыктаган жок.

Эске салсак, Россельхознадзор 21-апрелде Кыргызстандын бардык ишканаларынан Россияга сүт азыктарын ташууга тыюу салган. АӨК Ассоциациясынын аткаруучу директору Рустам Балтабаев мындай тыюу салуулар ЕАЭБ мыйзамдарынын бардык принциптерине каршы келерин билдирген болчу.

Жаңылыктар биздин Телеграмм каналда

Мындан тышкары окуңуз

Өлүмгө чейин жеткирген "Алдамчылык" фактысы боюнча жаран кармалды

Өлүмгө чейин жеткирген "Алдамчылык" фактысы боюнча жаран кармалды

Жумгал районунда "Опузалап талап кылуу" жана "Алдамчылык" фактысы боюнча кылмыш иши козголуп, шектүү жаран колго түштү. Нарын ОИИБдин Басма сөз кызматынан кабарлагандай, буга чейин Жумгал районунун Байзак айылынын тургуну, 1998-жылы туулган жаран өз үйүнүн короосундагы сарайда асынып каза болгон факты катталып, тергөөгө чейинки текшерүү иштери жүргүзүлгөн.
Россия Кыргызстандагы балык тоютуна нөлдүк КНС киргизилгенине нааразы

Россия Кыргызстандагы балык тоютуна нөлдүк КНС киргизилгенине нааразы

Россиянын Экономикалык өнүгүү министрлиги 10-мартта Евразия экономикалык комиссиясына расмий кайрылуу жолдогону ЕАЭБ порталында жарыяланган. Россия тараптын пикиринде, Кыргызстанда айыл чарба балыктары үчүн тоюттарга карата кошумча нарк салыгы (КНС) боюнча артыкчылыктуу шарт түзүлгөн. Тактап айтканда, жергиликтүү өндүрүштөгү тоюттар үчүн башка ЕАЭБ өлкөлөрүнөн келген продукцияга салыштырмалуу жеңилдик берилген деп эсептелүүдө. Маалыматка ылайык,
Шопоков шаарынын мэри болуп Жакыпбек Субакожоев дайындалды

Шопоков шаарынын мэри болуп Жакыпбек Субакожоев дайындалды

Сокулук районунун Шопоков шаарынын мэри болуп Жакыпбек Субакжоев  дайындалды. Ж.Субакожоев буга чейин Ат-Башы, Кара-Суу, Ноокат районунун акими болуп иштеген. Эске салсак, Шопоков шаарынын мэринин милдетин Абдимиталип уулу Абдинасир аткарып келе жаткан. Шопоков шаары Сокулук районуна караштуу. Шаар башчысы Сокулук районунун акимине баш ийет.
КабМин жаңы салыктык реформаны даярдап жатат. Эмне өзгөрөт?

КабМин жаңы салыктык реформаны даярдап жатат. Эмне өзгөрөт?

Министрлер Кабинети салык системасын реформалоо боюнча жаңы токтом долбоорун коомдук талкууга чыгарды. Документ салыктык башкарууну түп-тамырынан өзгөртүп, көзөмөлдү күчөтүүнү, санариптештирүүнү жана салык органдарынын ыйгарым укуктарын кеңейтүүнү карайт. Негизги өзгөрүүлөр кайсылар? Видео көзөмөл (камералар) Ишкерлер салык органдарына видеобайкоо системаларына жеткиликтүүлүк берүүгө милдеттендирилиши мүмкүн. Эгер камералар жок болсо, текшерүүчүлөр аларды өздөрү орнотушат.