Бизнес

Кытайдан жөнөтүлгөн посылкалар үчүн тез өткөрчү өтмөк уюштурулат

Назира Абдиева

21 авг. 2023 10:54

Кытайдан келген жөнөтмөлөр (посылка) үчүн тездетилген өтмөк уюштурулат. Бул тууралуу КР министрлер кабинети менен Кытайдын Синьцзян-Уйгур автономиялык районунун өкүлдөрүнүн ортосунда кол коюлган макулдашууда айтылганын КР Экономика министрлигинин басма сөз кызматы билдирди.

Кыргыз тараптан Макулдашууга КР Экономика жана коммерция министри Данияр Амангельдиев кол койду.

Макулдашуунун максаттары Кыргызстан менен Кытайдын ортосундагы достук коңшулук мамилелерди мындан ары өнүктүрүү, эки өлкөнүн ортосундагы өз ара пайдалуу жана тең укуктуулук принциптеринин негизинде экономикалык кызматташтыгына көмөктөшүү, сооданы ар тараптуу өнүктүрүү үчүн шарттарды түзүү болуп саналат.

Кыргыз-кытай мамлекеттик чек арасы аркылуу эл аралык почта жөнөтүүлөрүн жана трансчек аралык электрондук коммерция товарларын ташуу жана өткөрүүнү тездетүү максатында Тараптар "Почтаны тез өткөрүү методун" аныкташат.

"Почтаны тез өткөрүү методу" – "Кыргыз почтасы" ААК эл аралык почта алмашуу жеринен "КЭРдин Синцзян-Уйгур автономиялуу районунун "Кашгар" эркин экономикалык зонасынын аймагындагы "Кытай почтасы" эл аралык почта алмашуу жерине" чейин жана кайра бери карай маршруту боюнча чек ара аркылуу эл аралык почта жиберүүлөрдү камсыз кылат", - дейт министрлик.

Тараптар почта жөнөтүүлөрүн кабыл алуу, жөнөтүүнү иштетүү процесстерин үзгүлтүксүз жүргүзүүнү камсыз кылуу үчүн ЭПАЖды, алмашуу пункттарын, ошондой эле башка базалык инфраструктуралык мекемелерди түзүүнү колдойт.

Мындан тышкары окуңуз

Түштүк ооруканаларына заманбап медициналык жабдууларды алууга Япония 1,8 млрд ийен грант берет

Президент Садыр Жапаров Кыргызстандын министрлер кабинети менен Япониянын өкмөтүнүн ортосундагы “Түштүк региондорундагы рефералдык ооруканаларда медициналык жабдууларды жакшыртуу” долбоору боюнча ноталарды алмашуу жана Кыргызстандын министрлер кабинети менен Япония эл аралык кызматташтык агенттигинин (JICA) ортосундагы “Түштүк региондорундагы рефералдык ооруканаларда медициналык жабдууларды жакшыртуу” долбоору боюнча гранттык макулдашууну ратификациялоо жөнүндө” мыйзамга кол койду. Мыйзам

Ишкер Шаршенбек Абдыкеримов УКМКнын террордук чабуулуна кабылганын айтты

“Аю Холдинг” ишканасынын негиздөөчүсү Шаршенбек Абдыкеримовдун 15-мартта жазган билдирүүсү социалдык тармактарга 22-мартта тарай баштады. Анын жакындары билдирүү жарыяланган аккаунт Абдыкеримовдун өзүнө тиешелүү экенин ырастаганын "Азаттык" жазды. Анда Абдыкеримов ал УКМКнын Бишкек шаардык башкармалыгынын мурдагы башчысы Элдар Жакыпбеков анын бизнесине “террордук чабуул жасаганын” жазган. Анын белгилешинче, бул иштер атайын

1-апрелден тарта Ош-Ташкент-Ош авиакаттамы ишке кирет

1-апрелден тарта Centrum Air авиакомпаниясы Ош — Ташкент — Ош багыты боюнча туруктуу каттамдарды ишке киргизерин "Кыргызстан аэропорттору" ААКнын басма сөз кызматы билдирди. Учуу каттамдары жумасына эки жолу — шаршемби жана ишемби күндөрү — Airbus A320 family учактары менен аткарылат. Учуу узактыгы болжол менен 1 саат 10 мүнөттү түзөт. Билеттердин эң төмөнкү

Япония "Кыргызстан электр тармактарынын" окуу борборун жаңыртууга 1,5 млрд доллар бөлөт

Президент Садыр Жапаров "Кыргызстанда электр тармактарын пайдалануу жана тейлөө боюнча окуу борборунун потенциалын чыңдоо" долбоору боюнча ратификациялоо мыйзамына кол койду. Кыргызстандын министрлер кабинети менен Япония өкмөтүнүн жана Япониянын эл аралык кызматташтык агенттигинин (JICA) ортосундагы гранттык макулдашуу жөнүндө болуп жатат. Долбоордун негизги максаттары: * "Кыргызстан улуттук электр тармагы"