Бишкектеги массалык уулануудан кийин баш калаанын Бишкек шаарынын Мамлекеттик санитардык-эпидемиологиялык көзөмөлдөө борбору эки күндүн ичинде 37 тез тамактануучу жайды текшерди. Бул тууралуу 24.kg агенттиги жазып чыкты.

Маалым болгондой, мыйзам бузуулар боюнча жалпысынан 36 протокол түзүлүп, 568 миң сомдук айып пул салуу боюнча ушундай эле токтомдор чыгарылган.

Белгиленген мыйзам бузуулар чечилгенге чейин объекттин ишин (жабууну) токтотуу боюнча 10 санитардык буйрук даярдалган.

«Көк-Жар» микрорайонунда «Арбат», «Халал бургер», «КФС», «Көк-Жар» жана «Беш лаваш» тамактануучу жайлардын кардарлары орууканаларга кайрылышкан.