Кыргызстанда авиациялык кыймылдаткычы мыйзамсыз киргизилген – зыяндын суммасы 32 млн сомдон ашты
Бажы кызматы «А.К.К» ЖЧКсы тарабынан бажылык укук бузуу фактысы аныкталган. Бул тууралуу мекеме билдирди.
Такталгандай, 2021-жылдын 25-августунда КРдагы ЕАЭБдин бажы аймагына Италиядан «А.К.К» ЖЧКсынын дарегине 1 млн 450 миң долларлык авиациялык кыймылдаткычы келген.
Кыймылдаткыч учак үчүн арналган жана 31.08.2023-жылга чейин «Убактылуу ташып келүү» бажы жол-жобосуна коюлган.
Бирок, убактылуу ташып келүү мөөнөтү бүтө электе «А.К.К.» ЖЧКсы товарларды башка бажы жол-жобосуна жайгаштыруу максатында бажы органына кайрылган эмес, муну менен бажы мыйзамдарын бузган.
Мамлекеттик бюджетке келтирилген зыяндын суммасы 32.8 млн сомду түздү.
Факт КБР МКЖ АДСга катталып, чогултулган материалдар процессуалдык чечим кабыл алуу үчүн КР Башкы прокуратурасына өткөрүлүп берилди.
