Абдыш-Атага» айып пул салынды – ишкана энергетикалык суусундуктардын жарнамасын тараткан
![Абдыш-Атага» айып пул салынды – ишкана энергетикалык суусундуктардын жарнамасын тараткан](/content/images/size/w1200/2023/12/410000103_296222063410213_8516644475628792026_n.jpg)
Монополияга каршы жөнгө салуу кызматына Бишкектин азык-түлүк дүкөндөрүнүн биринде Nitro энергетикалык суусундуктарынын тышкы жарнамасы таратылып жаткандыгы жөнүндө арыз түшкөн.
Мекеме билдиргендей, арызда маалым болгондой «Жарнама жөнүндө» мыйзамынын 16-беренесинин 1-бөлүгү бузулган. Мыйзамга ылайык энергетикалык суусундуктардын жарнамасы тышкы жарнамада таратылбашы керек.
Кароонун жыйынтыгында, жарнамалоого тыюу салынган товарлардын жарнамасын тараткандыгы үчүн «Абдыш-Ата» ЖЧКсына карата 28 000 сом өлчөмүндө айып пул салынды.