Бизнес

«Дордойдун» ишкерлерин онлайн салыктык кызматтар боюнча окутуу улантылууда

Сапар Акунбеков

07 февр. 2024 10:25

Салык кызматы Бишкек шаарынын базарларынын администрацияларын онлайн салыктык кызматтарды пайдалануусу боюнча окутууда. Окуу «Дордой» СБКнын аймагындагы салык консультанттары жана базардагы ишкерлер жана көзөмөлдөөчүлөр үчүн өткөрүлдү. Бул тууралуу мекеме билдирди.

Ишкерлерди тейлөө пункттарында кезек күтүүлөрдүн орун алышына жол бербөө максатында, базар администрацияларынын окутулган өкүлдөрү өз участокторунда түшүндүрүү иштерин жүргүзүшөт.

Атап айтканда, окутууда ишкерлер салык органдарына барбастан «салык төлөөчүнүн кабинети» аркылуу электрондук патентти өз алдынча алуу/узартуу, ошондой эле бирдиктүү идентификациялоо системасы (ЕСИ) аркылуу «жеке кабинетке» кирүү мүмкүндүгүн алуу тууралуу маалымат берилди.

Окутууда ошондой эле Мбанк жана MegaPay мобилдик тиркемелери аркылуу электрондук патент алуу боюнча түшүндүрмө берилди.

Салык кызматынын адистери базарларда иштеген ишкерлерге кайсы салык режимин тандоо керектигин кеңири айтып беришти.

Эскерте кетсек, 2024-жылдын 1-июлунан тартып соода иши үчүн патентти колдонуу токтотулат. Белгиленген датага чейин патент менен соода жүргүзгөн ишкерлер тийиштүү салык режимин тандашы керек.

Стратегиялык объектилерге («Дордой», «Кара-Суу» СБК) киргизилген салык төлөөчүлөр үчүн өзгөчө режимдеги соода зонасындагы ишке салык каралган. Базарларда жана кичи базарларда соода ишин жүргүзгөн жеке ишкерлер үчүн бирдиктүү салыктын негизинде салык салуунун жөнөкөйлөтүлгөн системасы каралган.

Мындан тышкары окуңуз

Кылмыштуу ишти каржылоого жана аны адалдоого каршы аракеттенүү маселеси талкууланды

Бүгүн Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү маселелери боюнча ведомстволор аралык комиссиясынын 18-жыйыны болуп өтү. Ишчарага Министрлер Кабинетинин Төрагасы Адылбек Касымалиев, Кылмыштуу кирешелерди адалдоого жана терроризмди каржылоого каршы күрөшүү боюнча Евразия тобунун эксперттери, Ведомстволор аралык комиссиянын мүчөлөрү жана мамлекеттик органдардын өкүлдөрү катышты. Адылбек Касымалиев жыйынды

Финансы министрлиги Бакай-атадагы социалдык мекемеге колдоо көрсөттү

Финансы министри Руслан Сүйүналиев Талас облусуна болгон иш сапарынын алкагында Бакай-Ата районундагы улгайган адамдар жана ден соолугунун мүмкүнчүлүктөрү чектелген жарандар жашаган социалдык стационардык мекемеге барып, анда жашаган жарандар менен жолугушуп кайтты. Финансы министрлигинин маалыматына караганда, КРнын Министрлер Кабинетинин тескемесине ылайык, Финансы министрлиги аталган мекемеге камкордук көрсөтүүнү өз милдетине алган.

Бишкекте 6 акча алмашуу бюросунун лицензиясы убактылуу токтотулду

КРнын мыйзамдарын жана Улуттук банктын ченемдик укуктук актыларынын талаптарын бузууга жол бергендиги үчүн Улуттук банк Бишкек шаарындагы 6 алмашуу бюросунун лицензиясынын аракетин убактылуу токтотту. Улуттук банктын маалыматына ылайык, төмөнкү төрт алмашуу бюросунун лицензияларынын аракети 2026-жылдын 12-сентябрынан 26-сентябрын кошо алгандагы мезгил аралыгына токтотулду: * “Милан Обмен” ЖЧК; * “МЭФФ КЭШ”

Кыргызстан менен Кытай техникалык жөнгө салуу жаатында кызматташтыкты өнүктүрөт

Бүгүн Экономика министринин орун басары Искендер Асылкулов Кытайдын Рынокту жөнгө салуу боюнча мамлекеттик башкармалыгынын делегациясы менен жолугушту. Бул тууралуу министрлик билдирди. Жолугушууда техникалык жөнгө салуу, шайкештикти баалоо, сертификаттоо жана аккредитациялоо тармактарындагы эки тараптуу кызматташтыкты өнүктүрүү маселелери талкууланды. Кыргыз тарап өлкөнүн техникалык жөнгө салуу жана улуттук аккредитациялоо системалары тууралуу маалымат берди.