Соода-өнөр жай палатасынын алдында туризм комитети түзүлдү
Соода-өнөр жай палатасынын алдында туризм боюнча комитет түзүлдү. Бул тууралуу Соода-өнөр жай палатасынан билдирди.
Маалыматка ылайык, жетекчи Темир Сариев туризм тармагынын өкүлдөрү менен жолугушуп, кызматташуунун келечегин талкуулады.
Палатанын президентинин айтымында, ИДПнын түзүмүндө туризм 5-7%ды түзөт, бул абдан жакшы көрсөткүч. Бирок туризм тармагында биргелешкен күч-аракет менен чечүүнү талап кылган айрым көйгөйлөр бар.
Жаңы комитеттин негизги милдети туризм тармагынын ишин системалаштыруу жана Кыргызстанда туризмди жагымдуу кылуу үчүн жаңы стандарттарды жайылтуу болмокчу.
Жыйындын жүрүшүндө туризм боюнча комитеттин төрагалыгына SAT туристтик компаниясынын директору Данияр Казаков шайланды. Туризм тармагында да активдүү иштеген Гүлмира Карымшакова комитеттин орун басарлыгына дайындалды.
