2024-жылы Кепилдик фонд ишкердикти өнүктүрүүгө 220.8 млн сомдон ашык кепилдиктерди берген
2024-жылдын биринчи чейреги үчүн натыйжалуулуктун негизги көрсөткүчтөрүн талдоонун жыйынтыгы боюнча «Кепилдик фонд» ААКсы аймактар боюнча маалымдады.
2024-жылдын үч айында эле ишкерлерге кепилдик колдоо аркылуу өнөктөш банктар 629.7 млн сомдон ашык кредит беришкен. Биринчи черекте республика боюнча 525 ишкер «Кепилдик фонд» ААКсынын кепилдигин пайдаланган.
Бул мезгилде берилген кепилдиктердин жалпы санынын дээрлик 88%ы өлкөнүн аймактарында 220.8 млн сомдон ашык суммада ишкердикти өнүктүрүүгө багытталган.
Алсак, Жалал-Абад облусунун ишкерлерине 42 млн сомдон ашык суммага 152ден ашык кепилдиктер, Ош облусунун жана Ош шаарындагы ишканаларга 31 млн сомго жакын суммага 83 кепилдик берилген, Чүй облусунун ишкерлерине 50.7 млн сомдон ашык суммага 93 кепилдик, Ысык-Көл облусуна 14.4 млн сомдон ашык суммага 50 кепилдик, Баткен облусуна 17.3 млн сомдон ашык 67 кепилдик, Талас облусуна 54 млн сомдон ашык суммага 54 кепилдик жөнөтүлгөн жана 26 кепилдик Нарын облусуна 11.2 млн.
Кепилдик берүүнүн артыкчылыктуу багыттары айыл чарбасы, айыл чарба продукциясын кайра иштетүү, өндүрүш жана туризм индустриясы бойдон калууда.
