Бизнес

Үлүштүк катыш аркылуу турак жай алуудагы тобокелдиктерди болтурбоо боюнча кеңештер

Чынгыз Керимбеков

22 апр. 2024 14:05

Кыргызстанда курулуп жаткан имараттардан турак жай сатып алуу барган сайын популярдуу вариантка айланып баратат. Бирок ак ниетсиз куруучулар тарабынан белгилүү тобокелдиктер жаралууда. Жогорку Кеңештин депутаттары өлкөдө 40тан ашык курулуш компаниялары жарандарга адилетсиз мамиле жасаганын, бул болочоктогу сатып алуучулар өздөрүнүн укуктарын, талаптарын билиши маанилүү экендигинен кабар берерин айтышкан.

Кеңири тараган тобокелдиктердин бири - ар кандай документтерге, мисалы, алдын ала ээлөө (бронь) келишимине же инвестициялык келишимге кол коюу сунушу. Компаниялар муну үлүштүк катышуу келишимине кол коё албагандыктан жасашат, анткени курулушка уруксат алына элек. Буга байланыштуу келишимдер жокко чыгарылышы мүмкүн. Келечектеги көптөгөн сатып алуучулар кыймылсыз мүлктүн баасы төмөн болгондуктан мындай шарттарга макул болушат.

Көбүнчө жабыркаган жарандар келишимге кол коюудан жана акча төлөөдөн мурда компаниянын документтерин текшеришпейт. Буга байланыштуу Архитектура, курулуш жана турак жай-коммуналдык чарба мамлекеттик агенттиги тарабынан сатылуучу турак жайлар боюнча калктын маалымдуулугун жогорулатуу максатында курулуш долбоорлорунун порталы ишке киргизилди. Бул порталдан курулуп жаткан объектилер тууралуу маалыматка ээ болуп, алардын мамлекеттик курулуш реестринде катталган, катталбаганын тактаса болот.

Алдамчылыктан жабыркап калбоо үчүн Vilar курулуш компаниясы төмөнкү кеңештерди сунуштайт.

Компаниянын документтерин текшерүү. Компаниянын курулуш үчүн бардык керектүү уруксаттары жана лицензиялары бар экенине ынануу керек. Муну Мамкурулуштун реестри аркылуу тактаса болот.
Келшимдерге кол коюуга жана акча төлөөгө шашпаңыз. Курулушчу сунуш кылган бардык документтерди кылдат изилдеп, кандайдыр бир шектенүүлөр же суроолор болсо юристтен кеңеш алуу зарыл.
Турак жай базарын талдоо. Ар кайсы курулуш компаниялардын турак жайга болгон бааларын салыштырып, алар жөнүндө башка сатып алуучулардын сын-пикирлерин угуу керек. Бул сунушталып жаткан
баанын ылайыктуу экендигин аныктоого жардам берет.
Маалымат үчүн расмий булактарга кайрылуу. Курулуш компаниялар жана алардын долбоорлору жөнүндө ишенимдүү маалымат алуу үчүн мамлекеттик органдар тарабынан берилген ресурстарды колдонуу зарыл.

Бул сунуштарды аткаруу үлүштүк катыш аркылуу үй сатып алууда мүмкүн болгон тобокелдиктерден коргоого жардам берет. Vilar курулуш компаниясы эскертет: бул процессте маалымдуулук жана ыкластык эң жакшы курал экенин унутпаңыз.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "