Баткенде сапаттуу ун чыгып жатат
Кызыл-Кыя шаарындагы "Дан" ун чыгаруучу ишканасы Баткен аймагын жогорку сапаттагы ун менен камсыздап жатканын Президенттин облустагы өкүлчүлүгү билдирди.
Президенттин аймактагы өкүлү Айбек Шаменов аталган ишкананын ишмердүүлүгүнөн кабар алды. Эске салсак, ишкана бир жыл мурун заманбап жабдуулар менен жабдылган. Жалпысынан 50 млн сомго курулган, 30 жумушчу орунду түзгөн бул жаңы завод күнүнө 40 тонна ун өндүрүү мүмкүнчүлүгүнө ээ. Ун заводундагы аткаруулучу жумуштар заман талабына жараша автоматташтырылган.
Учурда ишкана Казакстандан алынып келген 5000 тонна буудайдан жогорку сапаттагы ун өндүрүп, Баткен облусун ички базарларында жана Ош облусунун кошуна райондоруна сатыкка чыгарууда. Ички базарда "Дан" ишканасынын унунун сапаты жогору баалангандыктан ага суроо талап жакшы болуп жатат.
