"Айыл Банк" ишкерлерге жеңилдетилген насыя сунуштады
«Айыл Банк» асыл тукум мал чарбасы менен алектенгендер үчүн жеңилдетилген кредиттик насыяларды сунуштады.
Кредиттин шарттарына ылайык асыл тукум чарбалар жана импорттоочулар –500 000ден 20 000 000 сомго чейин, техник-адистер – 500 000 — 2 000 000 сомго чейин насыя ала алышат. Насыя жылдык 3 пайыз менен 60 айга чейинки мөөнөттө берилет. Негизги карыз боюнча 6 айга чейин, пайыздар боюнча 3 айга чейин жеңилдетилген мөөнөт каралган.
Кепилдик жагына келсек, насыя 500 000 сомго чейин күрөөсүз, 500 000 сомдон жогору күрөө менен берилип, төлөм бизнестин киреше агымына ылайык жүргүзүлөт. Мындай шарт асыл тукумдук заводдор жана фермердик чарбаларга, ири мүйүздүү мал менен иштеген жеке ишкерлер жана импорттоочуларга, жасалма уруктандыруу пункттарын жабдуу үчүн техник-адистерге ыңгайлуу.
