Ломбарддардын уставдык капиталы 70 млн сомдон жогору болот
Экономика жана коммерция министрлиги 2026-жылдын 1-июлунан тарта ломбарддардын минималдык капиталы 7 млн сомдон кем эмес болушу керек деген талапты бекитүүнү сунуштады.
Аталган ведомствонун билдиришинче ломбарддардын уставдык капиталын көбөйүшү алардын төлөө жөндөмүн жогорулатып, потенциалдык чыгымдарды жабуусун жакшыртат. Жана бул мамлекеттин ломбард рыногун натыйжалуу көзөмөлдөөгө, көмүскө схема менен күрөшкөнгө шарт түзөт.
Муну менен катар Экономика министрлиги уставдык капиталды этап этабы менен жогорулатууну сунуштап жатат:
- 2027-жылдын 1-июлунан тарта – 14 млн. сомдон кем эмес;
- 2028-жылдын 1-июлунан тарта – 20 млн сомдон кем эмес.
Салыштыруу үчүн алсак башка өлкөлөрдө ломбарддардын уставдык капиталы жогору. Алсак:
- Россияда – 98,9 млн сом;
- Казакстан – 8,1 млн сом;
- Өзбекстан – 3,6 млн сом.
Министрликтин маалымдашынча, ири, туруктуу жана ачык ломбарддардын пайда болушу финансы рыногунун өнүгүшүн күчөтөт.
