Аял ишкерлер 1,5 млрд сомдон ашык насыя алышты
“Кепилдик фонд” ачык акционердик коому аял ишкерлерди колдоону системалуу түрдө улантып келет. Фонд аларга финансылык ресурстарга жетүүгө жардам берип, өлкөнүн бардык аймактарында бизнесин өнүктүрүүгө өбөлгө түзүп жатат.
2025-жылдын январь–сентябрь айларында аталган фонд аялдардын бизнесин өнүктүрүү үчүн 440 кепилдик берген. Бул — берилген кепилдиктердин жалпы санынын 40%ын түзөт.
Жалпы кепилдик суммасы 369 млн 053 миң сом болуп, бул аял ишкерлерге 1 млрд 527 млн сомдон ашык насыя тартууга мүмкүнчүлүк берген.
Берилген кепилдиктердин көлөмү боюнча туризм тармагы алдыңкы орунда турат жана бул тармакка — 90 млн 299 миң сом кепилдик берилген.
Андан кийинки орундарда:
- соода — 82 млн 816 миң сом;
- айыл чарба — 63 млн 536 миң сом;
- өнөр жай — 58 млн 594 миң сом;
- кызмат көрсөтүү — 55 млн 779 миң сом;
- ипотека — 9 млн 313 миң сом;
- транспорт — 7 млн 482 миң сом;
- курулуш — 1 млн 170 миң сом;
- айыл чарба продукциясын кайра иштетүү — 61 миң сом.
2025-жылдын май айында Кепилдик фонду «Келечек» аттуу жаңы ипотекалык продуктуну ишке киргизди. Аталган программа аркылуу азыркыга чейин тогуз аял өз турак жайын сатып алуу мүмкүнчүлүгүнө ээ болду.
Бүгүнкү күндө «Келечек» ипотекалык кепилдигин:
«Айыл Банк» ААК, «Элдик Банк» ААК, «МБанк» ААК, «Дос-Кредобанк» ААК жана «Коммерциялык Банк КСБ» ЖАКтан алса болот
