Минералдык жана газдалган суулар рыногу рекорддук өсүшкө жетти
Кыргызстанда минералдык жана газдалган суулар рыногу ички суроо-талаптардын өсүү фонунда рекорддук өсүшкө жетти.
2025-жылдын январь-апрель айларынын жыйынтыгы боюнча өндүрүлгөн продукциянын жалпы көлөмү 32,38 млн литрге жетип, акыркы 5 жылдагы максималдык көрсөткүчкө жеткен.
2024-жылдын ушул мезгилине салыштырмалуу минералдык жана газдалган суу өндүрүшү 73,9%га өскөн (18,59 млн литрден 32,38 млн литрге көбөйгөн).
Адистердин айтымында, мындай кескин секирик өндүрүш линияларынын кеңейишин, ички суроо талаптын жогорулашын, атамекендик брендерге болгон ишенимдин жогорулаганын жана жергиликтүү өндүрүшчүлөр арасында атаандаштыктын күч алганын айгинелейт.
