Чакан жана орто ишкерлик боюнча статистикалык басылма даярдалды
"Кыргыз Республикасындагы чакан жана орто ишкерлик-2020-2024" статистикалык басылмасы басууга даярдалды. Бул тууралуу Улуттук статистикалык комитети билдирди.
Басылма 2020–2024-жылдардагы Кыргызстандагы чакан жана орто ишкерликтин абалы жана өнүгүүсү тууралуу кыскача талдоону камтыйт. Анда экономикалык ишмердиктин түрлөрү, аймактар боюнча статистикалык маалыматтар, иштеген ишканалар жана жумушчулардын саны, финансы-чарбалык жана тышкы экономикалык ишмердик, ошондой эле өндүрүштүк көрсөткүчтөрү тууралуу таблицалар жана графиктер берилген.
Мындан тышкары, дыйкан чарбалар жана жеке ишкерлер тууралуу маалыматтар бар. Ишканалардын типтеринин классификатору жана көрсөткүчтөргө кыскача методологиялык түшүндүрмөлөр камтылган.
Жыйнактын электрондук версиясы колдонуучулар үчүн Улутстаткомдун расмий (www.stat.gov.kg) сайтынын "Басылмалар" бөлүмүндө жеткиликтүү: https://www.stat.gov.kg/kg/publications/sbornik-maloe-i-srednee-predprinimatelstvo-v-kyrgyzskoj-respublike/
