Арашан породасындагы кой 15 миң долларга бааланган
Нарын облусунун Ак-Талаа районунда асыл тукум мал чарбачылыгын өнүктүрүү багытында жакшы жылыштар болуп жатканы байкалат. Айрыкча Арашан породасындагы койлордун санын көбөйтүү жана анын сапатын жакшыртуу боюнча көп иштер жасалып жатканын Суу ресурстары, айыл чарба жана кайра иштетүү министрлиги билдирди.
Министрликтин билдиришинче, Баетов айылынын жашоочусу жеке ишкер Надырбек Мамытбаев өзүнүн чарбасында жогорку селекциялык талаптарга ылайык Арашан койлорун багып, жакшы натыйжаларга жетишип келет.
“Анын кою – Корабль-2 линиясынын небереси – 15 миң долларга бааланып, Nissan Rok автоунаасына алмашылган. Бул окуя Кыргызстан асыл тукум мал чарбачылыгындагы эң сонун жетишкендиктерди бири болду. Бул өлкөдө селекциялык жумуштардын өсүп, фермерлердин сапатка жана ички рынокто асыл тукум малдын баалуулулугун жогорулатууга аракет кылып жатканын билдирет”,-делет министрликтин маалыматында.
