Бишкекте "Жаш мугалимдин депозити" программасына жаңы катышуучулар тандалып жатат
Борбор калаанын Билим берүү департаменти "Жаш мугалимдин депозити" программасынын катышуучуларын тестирлөөдөн өткөрдү.
Мэриянын маалыматына ылайык, программа жергиликтүү бюджеттин эсебинен каржыланып, жаш педагогдорду колдоого, алардын кесиптик компетенциясын жогорулатууга жана Бишкектеги билим берүү уюмдарында ийгиликтүү иш баштоо үчүн шарт түзүүгө багытталган.
Тестирлөө — программага катышуучуларды тандоо этаптарынын бири болуп эсептелет жана жаш адистердин шаар мектептеринде иштөөгө даярдык деңгээлин объективдүү баалоого жардам берет.
Буга чейин "Жаш мугалимдин депозит" программасынан 300дөн ашуун педагог пайдаланды. Программанын алкагында катышуучунун атына банкта эсеп ачылып, үч жыл бою ай сайын 3–3,5 миң сомдон которулуп турат. Мөөнөт бүткөндөн кийин мугалим жалпы топтолгон сумманы алат.
Конкурс жыл сайын эки этапта өтөт — тестирлөө жана маектешүү. 2024-жылы борбор калаада депозиттин 59 катышуучусуна жалпы 7,6 миллион сом төлөнгөн.
