11 миңден ашык ишкерге 9,4 млрд сомдон ашык пайызсыз насыя берилди
Кыргыз Республикасында чакан жана орто ишканаларды колдоо максатында ишке кирген “Кичи-, чакан жана орто ишканаларды шашылыш колдоо” долбоорунын алкагында ишкерлерге 9 млрд 435 млн сомдон ашык пайызсыз кредиттер берилди. Бул тууралуу Финансы министрлигинен билдиришти.
Долбоор 2021-жылдын 31-мартында Министрлер Кабинети тарабынан кризиске каршы иш-чаралар планынын алкагында жана Дүйнөлүк банк менен Азия инфраструктуралык инвестициялык банкынын каржылоосу менен ишке кирген. 2022-жылдын сентябрь айынан тартып ишкерлер пайызсыз кредит алууга мүмкүнчүлүк алган.
2025-жылдын 1-октябрына карата жалпы 11 821 ишкер насыя алган. Алардын ичинен:
1-категория (1 млн сомго чейин) – 9 675 ишкерге 5 млрд 775 млн сом берилген.
2-категория (3 млн сомго чейин) – 2 194 ишкерге 3 млрд 711 млн сом насыя берилген.
Бул долбоор чакан жана орто бизнеске кризистик кырдаалда туруктуулук берип, ишкерлерге өнүгүүгө жаңы мүмкүнчүлүк түзүүдө.
