Жаңы парталар жана шкафтар: «Альянс Алтын» өнүктүрүү фонду Бакай-Атадагы Акынбеков атындагы мектепти колдоду
«Альянс Алтын» өнүктүрүү фонду Бакай-Ата районундагы Ү. Акынбеков атындагы орто мектепке жаңы эмеректер топтомун тапшырып, облустагы билим берүү долбоорлоруна жумшалган жалпы инвестициянын көлөмүн 83 млн сомго жеткирди.
Материалдык-техникалык базаны жаңылоо үчүн окуу жайга заманбап парталар жана шкафтар жеткирилди. Инвентарды сатып алуу окуучуларга ыңгайлуу шарттарды түзүүгө жана айыл жеринде окуу процессинин сапатын жогорулатууга багытталган.
Фонддун өкүлдөрү колдоо системалуу мүнөзгө ээ экенин белгилешти. Учурда уюм облус боюнча билим берүү тармагындагы 143 долбоорду каржылады. Бөлүнгөн каражаттын жалпы суммасы 83 млн сомдон ашып, ал имараттарды оңдоого, класстарды техникалык жактан жабдууга жана окуу жайлардын инфраструктурасын жакшыртууга жумшалган.
