Ош шаарындагы шагыл жана кум өндүрүүчү ишканада текшерүү жүргүзүлдү
Курулуш министрлигине караштуу Курулушта сертификаттоонун республикалык борборунун Түштүк аймактык башкармалыгы Ош шаарындагы шагыл жана кум өндүрүүчү ишкананын ишмердүүлүгүн текшерди. Бул тууралуу министрликтин басма сөз кызматы кабарлады.
Текшерүүнүн жүрүшүндө адистер өндүрүштүн технологиялык процесси менен таанышып, продукциянын белгиленген техникалык талаптарга шайкештигин баалашты. Ошондой эле сертификациялык сыноолорду жүргүзүү үчүн өндүрүлгөн продукциядан үлгүлөр алынды.
Белгилей кетсек, сертификаттоо курулуш материалдарынын сапатын баалоого жана алардын белгиленген талаптарга жооп берерин аныктоого мүмкүндүк берет. Сыноолордун жыйынтыгы боюнча продукцияга сертификат берүү же берүүдөн баш тартуу жөнүндө чечим кабыл алынат.
