Экономика

Банктар пайызсыз насыяларды көлөмүн 5 млн сомго чейин жогорулатууну суранышты

Чынгыз Керимбеков

Банктар пайызсыз насыяларды көлөмүн 5 млн сомго чейин жогорулатууну суранышты

Финансы министрлигинде 11 коммерциялык өнөктөш банктын жетекчилери менен ишкерлерге пайызсыз насыяларды тоскоолдуксуз берүү маселелери боюнча жумушчу кеңешме өттү. Бул тууралуу министрлик кабарлады.

Банк жетекчилери ишкерлердин камтылышын жогорулатуу максатында жүгүртүүсү 30 млн сомго чейин жеткен ишкерлер үчүн экинчи категориядагы каржылоонун көлөмүн 5 млн сомго чейин көтөрүүнү сунушташты.

Өнөктөш банктардын жетекчилери долбоорго каражаттын жетишсиздигинен жыл башында 3 айдан ашык кечигүүлөр болгонун белгилешти. Министрдин орун басары Руслан Татиков, коммерциялык банктар бул кредиттерди берүү үчүн каражаттар толугу менен өздөштүрүлгөн учурда Фаржы министрлиги тарабынан кайтарымдуулук кепилдиги менен өз каражаттарынын эсебинен чыгарууну сунуштады.

Эске салсак, 2022-жылдын сентябрынан тарта КРнын Финансы министрлиги 11 коммерциялык банк менен биргеликте чакан жана орто бизнеске кайтарымсыз каржылык жардам көрсөтүүдө.

Жаңылыктар биздин Телеграмм каналда

Мындан тышкары окуңуз

Оор жүк ташуучу унааларга каршы рейдде 3,5 млн сом айып пул салынды

Оор жүк ташуучу унааларга каршы рейдде 3,5 млн сом айып пул салынды

Өлкөдө оор жүк ташуучу унааларга каршы жүргүзүлгөн рейддин жыйынтыгында жүздөгөн мыйзам бузуу фактылары аныкталды. Бул тууралуу Транспорт жана коммуникациялар министрлигинен билдиришти. Жерде жүрүүчү жана суу транспорту департаменти тарабынан өлкө аймагында жүк ташуучу автоунааларга карата бир айлык рейддик иш-чара өткөрүлдү. Иш-чара 19-февралдан 13-мартка чейин Жол коопсуздугун камсыздоо башкы башкармалыгы менен биргеликте
Быйыл 28 миңдей унаа камсыздандырылып, 50 млн 628 миң сом кенемте төлөнүп берилди

Быйыл 28 миңдей унаа камсыздандырылып, 50 млн 628 миң сом кенемте төлөнүп берилди

Транспорт каражаттарынын ээлеринин жарандык-укуктук жоопкерчилигин милдеттүү камсыздандыруу (ОСАГО) системасы, анын алкагында төлөнүп жаткан каражаттар жана аймактардагы сандык көрсөткүчтөр тууралуу “Кабар” агенттигине Мамлекеттик камсыздандыруу уюмунун төрагасынын орун басары Закир Айдаралиев маалымат берди. Анын айтымында, 2026-жылдын башынан 13-мартка чейин 28 миңге жакын айдоочу унаасын камсыздандырып, ОСАГО полисин алган. Бул 1,56%ды
Кыргызстанда күйүүчү май тартыштыгы болобу? Нефтетрейдерлерге талаптар коюлду

Кыргызстанда күйүүчү май тартыштыгы болобу? Нефтетрейдерлерге талаптар коюлду

Күн мурун Монополияга каршы жөнгө салуу кызматы тарабынан Кыргызстандын нефтетрейдерлери менен жумушчу жолугушуу өткөрүлдү. Ага тармактагы ассоциациялар жана бир катар ири мунай компанияларынын өкүлдөрү катышты. Бул тууралуу Монополияга каршы жөнгө салуу кызматынан билдиришти. Жолугушууда калкты күйүүчү-майлоочу материалдар менен туруктуу камсыз кылуу жана бааларды көзөмөлдөө маселелери талкууланды. Нефтетрейдерлердин маалыматына ылайык, учурда
Бишкек мэриясы миңдеген үлүшчүлөргө техпаспорт берүү жолун тапты

Бишкек мэриясы миңдеген үлүшчүлөргө техпаспорт берүү жолун тапты

Бишкек шаарында үлүштүк курулуштун катышуучулары үчүн техпаспортторду тариздөө жана келишимдерди каттоо боюнча убактылуу эрежелер киргизилерин шаар мэриясы билдирди. 2026-жылдын 12-мартындагы тескеме муниципалдык жер тилкелеринде курулган көп кабаттуу үйлөрдөгү үлүшчүлөрдүн көйгөйлөрүн чечүүгө багытталган. Документ Кыргыз Республикасынын президентинин турак жайга болгон укуктарды каттоо маселелерин жөнгө салуу боюнча тапшырмасын аткаруу максатында кабыл алынган.