Филармониянын мурдагы жетекчиси кармалды
Жалал-Абад облусундагы Токтосун Тыныбеков атындагы облустук филармонияда мамлекеттик сатып алуулар боюнча мыйзам бузуулар аныкталды.
УКМКнын маалыматына караганда, жүргүзгөн текшерүүнүн жүрүшүндө мамлекетке 2 миллион 795 миң 400 сом өлчөмүндө зыян келтирилгени аныкталган.
Аталган факты боюнча “Кызмат абалынан кыянаттык менен пайдалануу” беренеси менен кылмыш иши козголду. Тергөө иштеринин алкагында филармониянын мурдагы директорунун милдетин аткаруучу, мекеменин мурдагы башкы бухгалтери жана сатып алууларга катышкан жеткирүүчү кармалды.
Кармалган үч жаран тең УКМКнын тергөө абагынын убактылуу кармоочу жайына киргизилди. Учурда тергөө уланып, аныкталган мыйзам бузууларга тиешеси болушу мүмкүн болгон башка адамдарды аныктоо иштери жүргүзүлүүдө.
