2023–жылы Улуттук банк 3.9 тонна алтын саткан
Жыл башынан бери Улуттук банк тышкы рынокко 3.97 тонна алтын сатты. Бул тууралуу Улуттук банкынын төрагасы Кубанычбек Бөкөнтаев «Кабар» агенттиги менен маек куруп, айтып берди.
Анын айтымында, Улуттук банктын эл аралык резервдерин толуктоо максатында, Улуттук банк мыйзамдарда каралган КРнын аймагында өндүрүлгөн алтынды артыкчылыктуу сатып алуу укугунун негизинде Кыргызстандын аймагында казылып алынган жана өндүрүлгөн алтынды сатып алуу боюнча операцияларды мезгил-мезгили менен жүзөгө ашырат.
«Улуттук банк эл аралык резервдерди эффективдүү башкаруунун алкагында, борбордук банктар үчүн стандарттуу болуп эсептелген алтын боюнча, анын ичинде сатуу, сактоо, тышкы рынокто жайгаштыруу операцияларын жүргүзөт. Бул эл аралык резервдердин ликвиддүү бөлүгүн өз убагында жана ыкчам толуктоо максатында, ошондой эле тиешелүү акча-кредит саясатын жана Кыргыз Республикасынын Министрлер Кабинети тарабынан чет өлкөлүк валютада төлөмдөрдү жүргүзүү үчүн керектелет», - деди Бөкөнтаев.
