Экономика

Жергиликтүү өндүрүштү экспортко чыгаруу үчүн 60 долбоор даярдалат – Бакыт Төрөбаев

Сапар Акунбеков

21 февр. 2024 10:18

2024-жылдын 20-февралында Суу ресурстары, айыл чарба жана кайра иштетүү өнөр жайы министри Бакыт Төрөбаев Кореянын элчиси Ли Вон Джэ менен жолукту. Бул тууралуу мекеме билдирди.

Жолугушууга айыл чарба тармагындагы долбоорлорду ишке ашырууда министрлик менен тыгыз кызматташып жаткан Корея эл аралык агенттиги (KOICA) жана Кореянын эл аралык айыл чарба программасы борборунун (KOPIA) директорлору катышты.

Жыйындын жүрүшүндө Төрөбаев министрликтин негизги приоритеттүү багыты катары суу маселеси (сугат системаларын өнүктүрүү, тамчылатып жана жаадырып суугаруу), өсүмдүк жана мал чарба продукциясынын сапатын жакшыртуу, кайра иштетүү өнөр жайын өнүктүрүү жана рынокторго чыгуу (экспорт), ошондой эле Кыргызстандын агроөнөр жай тармагынын натыйжалуулугун жогорулатууда райондук агрардык өнүктүрүү башкармалыктарынын ролун баса белгиледи.

«Чакан фермердик чарбаларды кооперативдерге бириктирүү жана ата мекендик өндүрүүчүлөрдүн продукцияларын экспортко чыгаруу максатында 60 долбоордун реестрин түзүү боюнча программасы иштелип чыгат», - деди Төрөбаев.

Элчи эки өлкөнүн ортосундагы өз ара пайдалуу өнөктөштүктү өнүктүрүү менен жогоруда аталган багыттары менен иш алып барууга даяр экендигин ырастады.

Мындан тышкары окуңуз

ӨКМ: 10-12-май күндөрү сел жүрүү коркунучу бар

10-майдан 12-майга чейин республиканын тоолуу жана тоо этектериндеги аймактарында туруксуз аба ырайы күтүлөт. Бул тууралуу Өзгөчө кырдаалдар министрлиги шашылыш билдирүү таратты. Маалыматка ылайык, нөшөрлүү жаан-чачынга байланыштуу дарыяларда суунун деңгээли көтөрүлүп, сел жүрүшү мүмкүн. Буга байланыштуу ӨКМ жарандарды майрам жана эс алуу күндөрү коопсуздук эрежелерин сактоого чакырат. Айрыкча тоолуу жана тоо

Бишкекте Жеңиштин 81 жылдыгына арналган митинг-реквием өтүүдө

Бүгүн Бишкек шаарындагы Жеңиш аянтында Улуу Ата Мекендик согуштагы Жеңиштин 81 жылдыгына арналган митинг-реквием өтүүдө. Иш-чарага президент Садыр Жапаров катышып, Өчпөс отко гүлчамбар койду. Ошондой эле мамлекет башчысы Улуу Ата Мекендик согушта курман болгондорду эскерип, алардын элесине таазим кылды. Өлкө башчы согуштун жана ооруктун ардагерлерин, ошондой эле жалпы кыргызстандыктарды 9-Май

Ошто №4 мектеп-гимназиясына кошумча окуу имараты курулат

Күн мурун Ош шаарындагы №4 С.М. Киров атындагы мектеп-гимназиясы үчүн 200 орундуу кошумча окуу имаратынын курулушуна капсула салуу аземи болуп өттү. Мэриядан билдиришкендей, иш-чарага Ош шаарынын мэри Жанарбек Акаев, шаардык кеңештин депутаттары, билим берүү тармагынын өкүлдөрү, мугалимдер жана ата-энелер катышты. Жаңы окуу корпусу окуучулар үчүн заманбап шарттарды түзүүгө жана

Ысык-Көлдөн 1700 метр балык уулоочу тор чыгарылды

Бүгүн суучулдар Түп булуңунан 1700 метр узундуктагы балык уулоочу эски торлорду чыгарышты. Бул тууралуу Өзгөчө кырдаалдар министрлигинен билдиришти. Маалыматка ылайык, суучулдар ӨКМдин "Мөлтүр" кемесине түнөп, көлдү тазалоо иштерин үзгүлтүксүз жүргүзүүдө. Белгиленгендей, Ысык-Көл акыркы 4 жылдан бери таштанды жана балык уулоочу торлордон тазаланууда.