Экономика

Бишкекте АГРОФОРУМ-2024 өтүүдө

Сапар Акунбеков

02 апр. 2024 12:45

Бүгүн, 2-апрелде Кыргызстанда туруктуу агрардык өнөр жай секторун түзүүгө арналган АГРОФОРУМ-2024 өттү. Иш-чараны Суу ресурстары, айыл чарба жана кайра иштетүү өнөр жай министирлиги Дүйнөлүк банк менен биргеликте уюштурган. Бул тууралуу министрлик билдирди.

Форумга министрлер кабинетинин төрагасы Акылбек Жапаров жана Дүйнөлүк банктын Борбордук Азия боюнча аймактык директору Татьяна Проскурякова, өкмөттүн өкүлдөрү, ошондой эле бир катар башка жогорку даражалуу расмий өкүлдөр, жергиликтүү жана эл аралык эксперттер, донордук коомчулук жана башка кызыкдар тараптар катышты.

Форумдун катышуучулары айыл чарбасын өнүктүрүүнүн ар кандай аспектилерин, анын ичинде өкмөттүн артыкчылыктарын жана жаңы демилгелерди, инвестициялык мүмкүнчүлүктөрдү, климаттын өзгөрүү маселелерин, инновацияларды жана заманбап технологиялардын артыкчылыктарын талкуулашты. Форум айыл чарба тармагындагы инвестициялык долбоорлорду кийинки муунун даярдоодогу диалогдун башталышы болду.

КРда агрардык өнөр жай комплексин өнүктүрүүнүн келечеги, милдеттери, мүмкүнчүлүктөрү жана стратегиясы тууралуу суу ресурстары, айыл чарба жана кайра иштетүү өнөр жайы министри Бакыт Торобаев айтып берди. Мындан тышкары Дүйнөлүк банктын алдыңкы адистери тарабынан айыл чарбадагы дүйнөлүк тенденциялар, азык-түлүк коопсуздугу жана азык-түлүккө болгон баалар тууралуу маалымат берилди.

Андан тышкары форумдун аянтында Финансы министрлиги менен Дүйнөлүк банктын ортосундагы КРдагы ландшафттарды туруктуу калыбына келтирүү долбоору боюнча макулдашууга кол коюу аземи болуп өттү. Бул долбоор мөңгүлөргө, кар катмарына, сел жана суу ташкындарына мониторинг жүргүзүү боюнча өкмөттүн потенциалын жогорулатууга, ошондой эле климаттын өзгөрүүсүнүн кесепеттерин азайтуу жана адаптациялоо боюнча чараларды ишке ашырууга жардам берет.

Мындан тышкары окуңуз

Баткен облусундагы сел 20,8 млн сомдук зыян келтирди

Президенттин Баткен облусундагы ыйгарым укуктуу өкүлү Мамыржан Рахимовдун жетекчилигинде Баткен облусунун Жарандык коргонуу кызматтарынын отуруму өттү. Өкүлчүлүктөн билдиришкендей, жыйында 30-апрелден 5-майга чейин катуу жааган жаандын кесепетинен Лейлек, Баткен, Кадамжай райондорунда жана Кызыл-Кыя шаарында катталган сел кырсыктарынын кесепеттерин жоюу боюнча жүргүзүлгөн иштер каралды. Ошондой эле күтүлүп жаткан сел коркунучтарынын алдын алуу,

Адылбек Касымалиев банк кызматкерлерин кесиптик майрамы менен куттуктады

Министрлер Кабинетинин төрагасы Адылбек Касымалиев банк секторунун кызматкерлерин кесиптик майрамы менен куттуктады. Куттуктоосунда ал бул күн улуттук валюта — кыргыз сомунун жүгүртүүгө киргизилиши менен тыгыз байланыштуу экенин белгилеп, анын өлкөнүн эгемендүү финансы системасын калыптандыруудагы маанисине токтолду. Адылбек Касымалиев акыркы жылдары өлкө экономикасы туруктуу өнүгүү жолуна түшүп, ички дүң продуктунун көлөмү эки

Чүйдө жана Бишкекте жол курулуштарына текшерүү жүргүзүлдү

Транспорт жана коммуникациялар министри Талантбек Солтобаев Чүй облусуна болгон иш сапарынын алкагында Бишкек шаарындагы жана Чүй облусундагы бир катар жол курулуш объектилерин кыдырды. Бул тууралуу ведомстводон билдиришти. Министр Бишкектеги Профсоюз көчөсүндөгү, Түндүк айланма жолундагы жана Чүй облусунда жүрүп жаткан жол куруу иштеринин жүрүшү менен таанышып, тиешелүү кызматтарга тапшырмалар берди. Иш

Бишкекте өткөн "Өлбөс полкко" 30 миңден ашуун адам катышты

Бүгүн Бишкек шаарында Улуу Ата Мекендик согушта курман болгон баатырларды эскерүүгө арналган "Өлбөс полк" аттуу аскердик-патриоттук акция өттү. Бул тууралуу муниципалитеттен билдиришти. Жүрүшкө 30 000ден ашык адам катышты. Акциянын катышуучулары согушта курман болгон же тылда эмгектенген туугандарынын, ардагерлердин сүрөттөрүн көтөрүп, Д. Асанов атындагы парктан Жеңиш аянтындагы "Түбөлүк