Таласта аймакты өнүктүрүү стратегиясы кабыл алынды — «Альянс Алтын» ишке ашырууга жардам берет
Президенттин Талас облусундагы ыйгарым укуктуу өкүлчүлүгү облустун социалдык-экономикалык өнүгүү стратегиясын кабыл алды. Ишке ашырууну министрлер кабинети «Альянс Алтын» компаниясы менен биргеликте ишке ашырат. Бул тууралуу облус жетекчиси Эрмат Жумаев билдирди.
Долбоорлорду ишке ашыруу жаңы жумуш орундарын түзүп, аймактын ар тараптуу өнүгүүсүнө стимул болот деген ишенимин билдирди.
«Акыркы 10 жылда «Альянс Алтын» ишканасы Талас районунун өнүгүшүнө чоң салым кошту. Учурда комбинатта 2 миңге жакын адам эмгектенет. Алардын 70%ы Талас районунун тургундары. Бул аймактагы жумушсуздуктун деңгээлин бир топ төмөндөтүп, калктын социалдык-экономикалык абалына чоң салым кошууда», - деди өкүл.
Эске сала кетсек, 2015-жылдан бери «Альянс Алтын» ЖЧКсы Кыргызстандын бюджетине 28,4 млрд сом которгон. 2025-жылдын апрель айында эле кирешелер 2 миллиард сомду түзсө, анын 1,59 миллиарды алтынды сатуудан түшкөн салыктар. 2021-жылдан бери кенден 17,6 тонна алтын казылып алынган. Ишкана Өнүктүрүү фондуна 1,2 миллиард сом бөлгөн.
