Аралыктан тейлөөнүн талаптарына өзгөртүү киргизүү сунушталууда

КРнын Улуттук банкы айрым ченемдик укуктук актыларына өзгөртүүлөрдү киргизүү жөнүндө» токтом долбоорун коомдук талкууга сунушталды.

Ага ылайык:

·       «Аралыктан тейлөө системаларын пайдалануу үчүн белгиленген логин жана сыр сөздөрдү үчүнчү жактарга сатууга/өткөрүп берүүгө тыюу салуу; үчүнчү жактардын көрсөтмөсү жана кызыкчылыгында картты колдонуп финансылык операция жүргүзүү үчүн КРнын мыйзамдарына ылайык жоопкерчилик киргизүү;

·       Карт чыгаруу кызматтарын сунуштоочу, ички жана тышкы алдамчылыкка (антифрод) каршы аракеттенүү системаларын операция шектүү болуп саналган учурларда, накталай акча каражатын берүүгө 24 саатка убактылуу чектөө киргизүү;

·       Кызматтарды сунуштоочу мобилдик тиркемеде кирген акча которуу жөнүндө маалыматты (жөнөтүүчүнүн аты-жөнүн, акча которуунун суммасын, датасын, багытын) көрсөтүү менен, кирген акча которууну тастыктоо/четке кагуу функциясын киргизүүгө тийиш жана керектөөчү аны ыктыярдуу түрдө колдонууга укуктуу;

·        Операциянын алдамчылык мүнөздө болушу мүмкүн экендигин көрсөткөн белгилер аныкталган учурда, банк/төлөм уюму/төлөм системасынын оператору мындай операцияны жүргүзүүнү 30 (отуз) күнгө чейинки мөөнөткө токтотуп турууга укугу жана башка бир катар өзгөртүүлөр сунушталууда.

Токтом долбоору толугу менен КРнын Улуттук банкынын расмий интернет-сайтында жана КРнын ченемдик укуктук актыларынын долбоорлорун коомдук талкуулоонун бирдиктүү порталында жайгаштырылган.

Кызыкдар болгон тараптар токтом долбоору боюнча сын-пикирлерин жана сунуштарын 2025-жылдын 24-октябрынан кечиктирбестен КРнын Улуттук банкына, ошондой эле электрондук версиясын (Word форматында) adjakubova@nbkr.kg электрондук дарегине жөнөтүүсү зарыл.