Чүйдө ишкерлерге жыл башынан бери 1,12 млрд сом кепилдик берилген

2025-жылдын январь-сентябрь айларында эң көп кепилдик Чүй облусундагы ишкерлерге берилген. Тактап айтканда, 1,12 миллиард сом, бул фонддун жалпы кепилдиктеринин 46%ын түзөт. Бул тууралуу Ekonomist.kg сайты  «Гарантиялык фондго» шилтеме берүү менен жазды.

Экинчи орунда — Талас облусу (142,9 млн сом, 6%), үчүнчүдө — Ош облусу (112,2 млн сом, 5%).

Андан кийинкилер:

Ысык-Көл облусу — 108,8 млн сом (4,1%);

Жалал-Абад облусу — 91,8 млн сом (3,9%);

Ош шаары — 104,2 млн сом (4%);

Нарын облусу — 54,3 млн сом (2%);

Баткен облусу — 53,3 млн сом (2%).

Ошентип, фонд берген бардык кепилдиктердин дээрлик жарымы Чүй облусуна туура келери белгиленди.