Бишкектин май куюучу жайларында бензин тартыштыгы жаралды
Борбордогу айдоочулар шаардын айрым жерлериндеги май куюучу жайларда бензин жок болуп жатканын соцтармактарга чыгара башташты.
Эске салсак 9-октябрда эле Антимонополдук жөнгө салуу кызматы Кыргызстандагы нефти продукциялары бир айга жетерин билдирген.
КРнын нефтетрейдерлер ассоциациясынын башчысы Канатбек Эшатовдун айтымында, мындай кырдаал Россиядагы айрым мунайды кайра иштетүүчү заводдордун оңдоолорго байланыштуу жабылышынан, айрымдарынын дрондордон жабыркашынан улам болуп жатканын түшүндүрдү. Натыйжада Кыргызстан өкмөттөр аралык келишим менен кепилденген күйүүчү-майлоочу майды толук ала албай жатыптыр.
Антимонополдук жөнгө салуу кызматынын билдиришинче бензин тартыштыгынан улам ал 15 пайызга кымбатташы мүмкүн. Азыр А–95 үлгүсүндөгү бензин 80 сом 50 тыйын.
