Тышкы иштер министрлиги Евробиримдикке көз карандысыз, эл аралык аудит жүргүзүүнү сунуштады
Тышкы иштер министрлигинин маалымат кызматы мамлекет Кыргызстандын юридикалык жактарына киргизилип жаткан санцияларга байланыштуу Европа биримдигин көз карандысыз, эл аралык деңгээлде таанылган аудит жүргүзүүнү демилгелөөгө чакырганын маалымдады.
Бул үчүн кыргыз тарап мезгил-мезгили менен маалымат алмашып, транзакцияларга мониторинг жүргүзүп жана биргелешкен тобокелчиликтерди баалоону жүргүзө турган бирдиктүү Кыргызстан-Евробиримдик техникалык жумушчу тобун түзүүнү сунуштап жатат.
ТИМдин маалыматында, Кыргызстан тобокелчиликтерди биргелешип жоюуга багытталган эл аралык милдеттемелерди сактап, Евробиримдиктеги өнөктөштөр менен ачык жана конструктивдүү диалог жүргүзүп жатканы айтылат.
Белгилей кетсек, Евробиримдик буга чейин Кыргызстандын 2 банкын санкциялык тизмеге киргизген. Дагы башка санкциялык тизмеге Кыргызстандын “Олд Вектор” жана “Гринекс” компаниялары кирип калган.
Ага чейин Англия 100% акциясы Финансы министрлигине таандык “Капитал Банкына” санкция киргизсе, 2025-жылы АКШ Финансы министрлиги “Керемет Банкка” санкция киргизген.
