Кыргызстан агроэкспортун 2030-жылга карата эки эсеге көбөйтүү пландалууда
KyrgyzTransLogistic 2025 эл аралык көргөзмөсүнүн панелдик сессиясында Кыргызстан 2030-жылга карата агороэкспорт көлөмүн эки эсеге көбөйтүүнү максат кылып жатканын КРнын Агроөноржай комплексин өнүктүрүү ассоциациясынын аткаруучу директору Рустам Балтабаев билдирди.
Ал өткөн жылы кол коюлган Президенттин “Агроөнөржай комплексин өнүктүрүү боюнча кошумча чаралар жөнүндө” жарлыгына ылайык экпортту стимулдаштыруу, айыл чарба продукцияларын кайра иштетүү жана инвестицияларды тартуу жаатында 35тен ашык багыттар бекитилгенин эске салды.
“Президент 2030-жылга карата экспортту эки эсеге жогорулатуу, а 2040-жылга карата кайра иштетүү деңгээлин 50%га жеткирүү”,-тапшырмаларын койгон. Агроөнөржай секторун өнүктүрүш үчүн эффективдүү логистика керек”,-дейт Р. Балтабаев.
Анын айтымында, экспорт боюнча сөз болгондо ал транспорт жана логистика менен түз байланышта экенин түшүнүү керек. Бул маселелерди чечпей туруп туруктуу өнүгүүгө жетүү мүмкүн эмес.
