Кыргызстандын мөмө-жемиштери Европа мамлекеттерине экспорттоло баштады
Кыргызстандын мөмө-жемиштери Европа мамлекеттерине да экспорттоло баштады, - деп бидирет Айыл чарба министрлигинен.
Кыргызстандын дээрлик бардык аймактарында мөмө-жемиш өстүрүүгө ылайыктуу шарттар бар. Баткен жана Ысык-Көл облустары салттуу багбанчылык лидерлери катары эсептелет. Чүй облусу кулпунай жана малинаны, Ысык-Көл облусу кара жана кызыл карагатты өндүрүүдө алдыңкы орунда турат. Акыркы жылдары Нарын облусунда да кулпунай жана карагат өстүрүү популярдуу болууда.
Өндүрүлгөн мөмө-жемиштер тоңдурууга ылайыктуу болгондуктан, алардын сактоо мөөнөтү узарып, экспорттук баасы жогорулайт. Чүй облусу тоңдурулган мөмө-жемиштерди өндүрүү жана кайра иштетүү боюнча лидер болуп саналат.
Суу ресурстары, айыл чарба жана кайра иштетүү министрлиги донорлор менен биргеликте тармакты колдоп, Ош жана Баткенде заманбап тоңдуруучу жабдуулар менен жабдылган соода жана логистикалык борборлорду курууда. Кыргызстандык мөмө-жемиштер негизинен Орусия жана Казакстанга экспорттолот, бирок Европага, Түркияга, араб мамлекеттерине жана Кытай рыногуна да багытталып жатат.
