Кыргызстанда салыктык текшерүү аралыктан жүргүзүлөт

Кыргызстанда салыктык текшерүүнүн жаңы форматы киргизилерин салык кызматы билдирди. Тагыраагы, эми инспекторлор ишканага же мекемеге барбай эле  текшерүүлөр аралыктан жүргүзүлөт. 

Салыктык администрациялоо жөнүндө токтомундагы өзгөрүүлөргө ылайык, салыктык органдар онлайн-кассалык аппараттарды, банктык операцияларды, санарип соода жана төлөм платформаларын колдонуу менен онлайн текшерүүлөрдү жүргүзүү укуктарына ээ болот. 

Бул аудит ишкерге алдын ала эскертүү берилбей туруп текшерилет дегенди билдирет. Башкача айтканда, салыкчылар автоматташтырылган системага түшкөн маалыматтардын негизинде отчеттулукту, каражаттардын жылышын жана реалдуу убакыттагы акча түшүүлөрдү анализдеп турушат. 

Бийлик бул жаңы форматтын киргизилишин көмүскө айлантуу жана салыктан качуу менен күрөшүү үчүн керек экенин билдирет.