Айдаркенде таш майдалоочу жана бетон заводунун курулушу аяктады
Баткен облусундагы Айдаркен шаарында таш майдалоочу жана бетон заводунун курулушу аяктаганын президенттин Баткен облусундагы өкүлчүлүгү маалымдады.
Облус жетекчисинин орун басары Абдирашит Ташбалтаев заводдун тесттик режиминдеги иши менен таанышты.
Муниципалдык ишкана толук кандуу кубаттуулукта иштей баштаганда күнүнө 60 тонна шагыл, 1000 куб метр бетон аралашмасын даярдайт.
Ишкананын курулушуна Баткен облусун өнүктүрүүгө багытталып, республикалык бюджеттен бөлүнгөн 500 млн сомдун эсебинен 32 млн сом ажыратылган. Мындан сырткары жергиликтүү бюджеттен 20 млн сом сарпталган.
Келечекте 10 жумуш орундуу заводдон түшкөн каражат жергиликтүү бюджетке түшөт.
