Экономика

ЕАЭБ өлкөлөрүнүн ортосундагы өнөр жай кызматташтыгы талкууланды

Ишкер Media

12 нояб. 2025 13:15

Россия-кыргыз өнүгүү фонду Бишкек шаарында Евразия экономикалык комиссиясынын өнөр жай жана агроөнөр жай комплекси министри Гоар Барсегян менен кыргызстандык бизнес өкүлдөрүнүн ортосунда ишкердик жолугушуу уюштурду.

Ага 40тан ашык ишкер, алдыңкы компаниялардын жетекчилери, КРнын коммерциялык банктардын өкүлдөрү, КРнын экономика жана соода министри Медербек Туманов жана Россия-кыргыз өнүктүрүү фондунун башкарма мүчөлөрү Антон Ветошкин менен Бакыт Курманбековдор катышышты.

Жолугушуунун жүрүшүндө ЕАЭБ алкагындагы кызматташтык долбоорлорун каржылоо механизмине катышуунун шарттары тууралуу Гоар Барсегян тааныштырып өттү. Анын айтымында бул демилгенин максаты биргелешкен ишканаларды түзүү, экспортту стимулдаштыруу жана ЕАЭБ өлкөлөрүнүн өнөр жай потенциалын чыңдоо болуп саналат.

Россия-кыргыз өнүгүү фондунун өкүлдөрү бул механизмдин алкагында кыргыз ишканалары каржылоону өтө жагымдуу шарттарда ала ала тургандыгын белгилеп, ЕАЭБдын өнөр жай кызматташтыгын колдоо инструменти Улуттук банктын эсептик ченинин чегинде пайыздык чендерди субсидиялоону караштырат деп билдирди. КРУБ пайыздык ченинин учурдагы деңгээлин эске алганда, Фонддун мындай пайыздык чен менен кредит бериши нөлгө жакындайт.

Жолугушуунун жыйынтыгында тараптар кызматташууну андан ары тереңдетүү жана ЕАЭБ алкагында өнөр жай потенциалынын жана инвестициялык активдүүлүктүн өсүшүнө өбөлгө түзгөн биргелешкен демилгелерди иштеп чыгуунун зарылдыгын белгилешти.

Мындан тышкары окуңуз

Жыргалаңда жаңы көмөк чордондору жана кабелдик линиялар ишке киргизилди

Жыргалаң өрөөнүндө 35/10 кВ “Үч Чоку” жаңы көмөк чордонунун курулушу аяктап, 12,8 км жаңы кабелдик чубалгылар тартылып, 4 даана 10 кВ көмөк чордону орнотулду. Бул тууралуу Энергетика министрлигинен билдиришти. “Ала-Тоо резорт” мамлекеттик ишканасынын директору Жаркынбек Максутов энергетиктердин Жыргалаң аймагында аткарган иштерин белгилеп, аларга ыраазычылыгын билдирди. Ал аймактын татаал

Россияда Лабубу оюнчуктарынан уулуу зат табылган

Россияда Лабубу оюнчуктары сапат жана коопсуздук талаптарына ылайык текшерүүдөн өткөрүлүп, алардын бир үлгүсүндө уулуу зат табылганын Казинформ агенттиги жазды. Жалпы 13 оюнчук үлгүсү 53 көрсөткүч боюнча текшерилген. Алардын катарында уулуулук индекси, этикеткалоо, кездеме жана тигиш сапаты, ошондой эле токсикологиялык жана гигиеналык коопсуздук сыноолору болгон. Үч этаптуу тестирлөөнүн жүрүшүндө бир оюнчукта

Кыргызстан туруктуу климат жана жашыл экономика боюнча талкуу өткөрдү

Бишкекте Кыргызстандын климаттык өзгөрүүлөрдүн таасири жана экономикалык мүмкүнчүлүктөрү талкууланды. Бул тууралуу Айыл чарба министрлигинен билдиришти. Бишкекте өткөн иш-чарада климаттык өзгөрүүлөрдүн тобокелдиктери жана экономикалык мүмкүнчүлүктөрү талкууланып, климатка туруктуу жана төмөн көмүртектүү өнүгүү жол картасы сунушталды. Суу ресурстары, айыл чарба жана кайра иштетүү өнөр жайы министри Бакыт Төрөбаев белгилегендей, Кыргызстан тоолуу өлкө

Александр Бочкин: "Санариптик кызматкерлер менен жасалма интеллект бизнес процессти 10-12 эсе ылдамдатат"

Процесстик аналитика технологиясын, жасалма интеллект жана санариптик кызматкерлерди колдонуу компанияларга бизнес-процесстерди бир нече эсеге ылдамдатууга жана чыгымдарды кыскартууга мүмкүнчүлүк берерин Operavix компаниясынын негиздөөчүсү Александр Бочкин Бишкекте өтүп жаткан ProcessTech X Kyrgyzstan процесс аналитикасына арналган биринчи конференцияда билдирди. Анын айтымында, компаниялардагы бизнес-процесстердин көбү маалыматтык системалар аркылуу автоматташтырылганы менен, көптөгөн операция