Этке баа чектелди: кайсы райондо канча сом?
Экономика жана коммерция министрлигинин алдындагы Монополияга каршы жөнгө салуу кызматы өлкөнүн бардык аймагында – базарларда, супермаркеттерде жана дүкөндөрдө – социалдык маанилүү товарлардын бааларына күчөтүлгөн тартипте мониторинг жүргүзө баштады. Бул тууралуу министрликтин маалымат кызматынан билдиришти.
Бекитилген максималдуу баалар боюнча:
Бишкек шаары: уй эти — 680 сом/кг, кой эти — 670 сом/кг
Чүй облусу: уй эти — 680 сом/кг, кой эти — 690 сом/кг
Ош шаары жана облусу: уй/кой эти — 680/680 сом (Ош шаарында), Ноокат районунда — 620/650 сом
Ысык-Көл облусу: 650–690 сом/кг
Жалал-Абад облусу: 580–690 сом/кг райондорго жараша
Баткен облусу: 650–680 сом/кг
Министрликтин маалыматы боюнча, 2025-жылдын 12-ноябрына карата социалдык маанилүү товарлардын, анын ичинде аймактардагы уй жана кой этинин орточо керектөө баалары атайын таблица менен берилген. Толук тизмени жана деталдуу маалыматты Экономика жана коммерция министрлигинин сайтынан көрүүгө болот.
Мониторингдин максаты – социалдык маанилүү товарлардын бааларын туруктуу кармоо жана ашыкча баалардын алдын алуу.
