G20 саммити тарыхта биринчи жолу негизги 3 лидерсиз өтөт
АКШ президенти Дональд Трамп менен Россия президенти Владимир Путин баруудан баш тартышкандан кийин КЭР төрагасы Си Цзиньпин да G20 саммитине барбай турганын билдиргенин немис Die Zeit басылмасы жазып чыкты.
Кытай ТИМи Түштүк Африка республикасынын борбору Йоханнесбургда 21-23-ноябрда боло турган бул саммитке Мамлекеттик кеңештин премьери Ли Цян барарын маалымдаган.
Ошентип тарыхта биринчи жолу G20 саммитиндеги жолугушуу “жыйырымалыктын” эң ири үч мамлекетинин лидерлери жок өткөрүлөт. Келерки жылы аталган саммиттин төрагалыгы АКШга өтөт. Дональд Трамп келерки саммитти өзүнүн гольф-клубунда өткөрүүнү максат кылып жатканын билдирген.
G20 – бул абдан өнүккөн жана өнүгүп жаткан мамлекеттердин өкмөттөрүнүн жана борбордук банктарынын расмий эмес клубу. Бул дүйнонүн ири экономикалары биргеликте глобалдык маселелерге карата чечимдерди иштеп чыга турган жана дүйнолүк экономиканы багыттай турган стратегиялык форум.
G20нын иштеринин айрым багыттары:
Глобалдык экономика жана финансылык туруктуулук. Кризистердин алдын алуу боюнча чараларды талкуулайт.
Эл аралык соода. Соода эрежелерине жана тоскоолдуктарды азайтууга бирдиктүү бирдиктүү аракеттер түзүлөт.
Климаттык өзгөрүүлөр жана туруктуу өнүгүү. Лидерлер айлана-чөйрөнү коргоо жана жашы инвестициялар боюнча стратегияларды макулдашышат.
Жакырчылык менен күрөшүү жана санариптештирүү. Теңсиздикти кыскартуу жана экономикага жаңы технологияларды киргизүү башкы фокуста болот.
