"Кепилдик фонду" январь айынан бери экспорттук ишканаларга 134,5 млн сом кепилдик берди
“Кепилдик фонд” ААКсы аймактардагы ишкерлерге колдоону дагы да күчөтүп жатканын, алардын ичинен продукцияны экспорттоого багытталган жана импортту алмаштырууга катышкан компанияларга өзгөчө көңүл бурулуп жатканын билдирди. Бул аларга каржылоо тартууга, өндүрүштү кеңейтүүгө жана жаңы тышкы рынокторго чыгууга жардам берерин баса белгилейт фонд жетекчилиги.
Фонддун билдиришинче, быйыл январь айынан бери аймактардагы экспорттук ишканаларга берилген кепилдиктердин суммасы 134,5 млн сомго жеткен. Бул колдоонун аркасында ишкерлер 333 млн сомдук кредит алып, аны өндүрүштү өнүктүрүүгө, модернизациялоого жана көлөмүн көбөйтүүгө багытташкан.
Эң көп колдоо алган тармактар:
- Агроөнөр жай продукциясын кайра иштетүү – 103,5 млн сом;
- Өнөр жай – 32,7 млн сом;
- Айыл чарба – 32,6 млн сом.
Аймактар боюнча кепилдиктер кандай берилди?
Чүй облусу: 75,1 млн сомдон ашык кепилдик → 178,1 млн сомдон ашык кредит
Талас облусу: 55,9 млн сом кепилдик → 142,9 млн сом кредит
Баткен облусу: 1,9 млн сомго жакын кепилдик → 5 млн сом кредит
Жалал-Абад облусу: 1,6 млн сом кепилдик → 7 млн сом кредит
