Кыргызстанда 67,3 миң тонна буудай, 12 миң тонна ун кору бар
Экономика министрлигинин билдириши боюнча 10-октябрга карата Кыргызстандын ун комбинаттарында 67,3 миң тонна буудай жана 12 миң тонна ун кору бар.
Казакстан транзити аркылуу чектөөлөргө байланыштуу сентябрь айында Россия буудайын алып өтүү боюнча 84 арыздын 24ү макулдашылган. Натыйжада кайра иштетүүчүлөр сатып алууларды Казакстан тарапка буруп, коңшу өлкөдөн Кыргызстанга болгон буудай импорту 55%ды түзгөн.
Транзиттик чектөөлөрдөн улам мекемелерде сырье баасы өскөн:
Россия буудайынын килограммы – логистика менен курсту эске алганда 19,6 сом;
Казакстан буудайы – 19,8 сом.
Ошондой эле кымбаттоолорго Казакстан аркылуу транзиттик тарифтин бир тонна буудайга 1 000 рублга көтөрүлүшү да таасир эткен:
1-сорттогу ун – 25-34 сом;
2-сорттогу ун – 19-23 сом:
Кебек – 12-19 сом.
Мындан сырткары өндүрүштүк мүмкүнчүлүк чектелген: 30 ун комбинатынын 3ү оңдоо үчүн жана дагы 3ү профилактикага убактылуу токтотулуп, 27си иштеп жатат. 2017-жылдан 2015-жылга чейин 27 ун комбинаты жабылып, бузулган.
Эске салсак, 2024-жылдагы Россия менен Түндүк Казакстандын буудайынын сапатынын начар болушу жана 2025-жылы Кыргызстан менен Казакстандын түштүгүндө түшүмдүн аз болушу сырьелук тартыштыкты күчөткөн. Транзиттик квоталар кеңейтилип, жеткирүүлөр турукташтырылыбаса ун баалары жогору бойдон кала берет.
