Бир жумада шаардык тазалык эрежесин бузуу боюнча 2 млн 976 сомго 363 протокол түзүлгөн
Муниципалдык инспекция 17-ноябрдан 23-ноябрга чейин Бишкекте жайлуулук эрежелерин бузууга өз убагында реакция кылууга багытталган 54 рейддик иш чараларды жана 32 нөөмөтчүлүктү уюштурган.
Инспекциядан белгилешкендей, шаар жайлуулугунун жана санитардык абалынын эрежелеринин сакталышын текшерүү үчүн менчиктин бардык формасындагы 729 чарбалык субъект текшерилген.
Жыйынтыгында Укук бузуулар жөнүндө кодексине ылайык 2 млн. 976 сомго 363 протокол түзүлгөн. Шаардыктардын 116 кайрылууларынан жер-жерлерге текшерүүлөр болуп, ар бир факты боюнча тиешелүү чаралар көрүлгөн.
Аныкталган эреже бузуулар боюнча 26 эскертүү берилип, 16сы көрсөтүлгөн мөөнөттө аткарылган жана калганы көзөмөлдө турат.
