Apple Индияны Россияга iPhone алып киргени үчүн коркутту
Индиялык ретейлер Apple техникасын Россияга саткандыгы үчүн ири айып пулдарды төлөп калуу коркунучу бар экенин “РБК” маалымдады. Эгер жабдык сатылгандан 90 күндөн кийин чет өлкөлүк SIM-карта менен активдешсе, анда дүкөнгө санкция киргизилет жана айып пул суммасы айтылбайт.
Буга чейин Apple компаниясы сатуучуларга минтип түздөн-түз эскертпесе, бул жолу техногигант “агрессивдүү позияны карманды” деп жазат индиялык MoneyControl басылмасы. Эгер мындай схемадагы дүкөн кармалса ал калифорниялык фирманын техникаларын сатуу боюнча расмий лицензиясынан ажыратышат.
Индияда бардык электроника экспортунун 40%га жакыны Apple техникасына таандык, “серый” экспорттун үлүшү 5%ды түзөт жана мунун жарымы Россияга туура келерин Money Control басылмасы баса белгилеген.
Негизинен чектөөлөр iPhone 17 акыркы моделине таандык. Ошентип компания өзүнүн продукциясы Apple расмий ишмердүүлүгүн жүргүзбөгөн мамлекеттерге түшүүсүн чектөөгө аракет кылып жатат.
Apple техникаларын түз блоктоо иштерин кылган эмес, ошол себептен App Storeдо россиялык операторлор аркылуу төлөө ыкмасы жакшы иштеп жатат.
