Экономика

Бишкекте эл аралык стандарттарга ылайык деңиз соодасын өнүктүрүү жолдору каралды

Ишкер Media

26 ноя 2025 16:55

Бишкекте Президенттин Администрациясынын, тиешелүү мамлекеттик органдардын жана ведомстволордун өкүлдөрүнүн катышуусунда деңиз соодасын өнүктүрүүнүн негизги аспектилерин жана ченемдик-укуктук базаны өркүндөтүүнү талкуулоого арналган жумушчу кеңешме өткөрүлдү. Бул тууралуу Экономика жана коммерция министрлигинин маалымат кызматынан билдиришти.

Катышуучулар БУУнун Деңиз укугу боюнча эл аралык конвенциясынын ченемдерин практикалык колдонуу, ошондой эле Кыргызстандын Соода деңизде сүзүү кодексин өнүктүрүү маселелерине көңүл бурду. Улуттук мыйзамдарды эл аралык стандарттарга ылайыкташтыруу Кыргызстандын дүйнөлүк соода аренасындагы позициясын бекемдөө үчүн маанилүү экени белгиленди.

Кеңешменин алкагында соода кеме катнашынын катышуучуларынын укуктарын коргоо, процедуралардын ачык-айкындуулугун жогорулатуу жана деңиздик администрлөө чөйрөсүндөгү кызматтардын сапатын жакшыртуу маселелери талкууланды.

Иш-чаранын максаты — товар жүгүртүүнү көбөйтүү, деңиз соодасын өнүктүрүү үчүн укуктук жана уюштуруучулук негизди түзүү, ошондой эле соода кеме катнашынын бардык катышуучуларынын кызыкчылыктарын коргоо болуп саналат.

Жыйынтыгында катышуучулар мыйзамдарды өркүндөтүү, тажрыйба алмашуу жана эл аралык соодадагы атаандаштыкка жөндөмдүүлүктү жогорулатууга багытталган демилгелерди ишке ашыруу боюнча мындан аркы кадамдарды белгилешти.

Мындан тышкары окуңуз

Садыр Жапаров: Чүй облусун өнүктүрүүгө 10 млрд сом бөлүндү

Бүгүн президент Садыр Жапаров Чүй облусунун түзүлгөндүгүнүн 100 жылдыгына арналган салтанаттуу иш-чарага катышты. Мамлекет башчысы маараке өткөн тарыхты эскерүү менен гана чектелбестен, келечекке жаңы максаттарды коюуга түрткү бериши керектигин белгиледи. Президенттин айтымында, Чүй облусу өлкөнүн социалдык-экономикалык жана коомдук-саясий өнүгүүсүндө өзгөчө орунду ээлейт. Аймак мамлекеттүүлүктүн калыптанышында, азык-түлүк

Мамлекеттик бажы кызматында жетекчи алмашты

Мамлекеттик бажы кызматынын төрагасы Алмаз Салиев кызматынан бошотулду. Тиешелүү жарлыкка өлкө башчысы Садыр Жапаров кол койгонун президенттик администрациядан билдиришти. Салиев бажы органдарындагы кызматын 2003-жылдын майында баштаган. 2025-жылдын 19-февралында Министрлер кабинетинин тескемеси менен Бажы кызматынын төрагасы болуп дайындалган. 2026-жылдын май айында ага "Бажы кызматынын генерал-майору&

50 миң сомго жасалма iPhone саткан жаран кармалды

Аламүдүн районунда телефон сатуудагы алдамчылыкка шектелип 42 жаштагы жаран кармалды. Бул тууралуу Чүй облустук ички иштер башкы башкармалыгынын басма сөз кызматы кабарлады. Маалыматка караганда, 1-октябрда Ж.Э. аттуу жаран милицияга кайрылган. Анын айтымында, белгисиз адам ишенимине кирип, 50 миң сомго iPhone 17 Pro Max саткан, бирок кийин ал жасалма

Ишкерлерге фитосанитардык талаптарды бузгандар жазаланаары айтылды

Ишкерлерге текшерүүгө тыюу салуу боюнча президенттин жарлыгына киргизилген өзгөртүүлөрдүн маңызы түшүндүрүлүүдө. Бул тууралуу Айыл чарба министрлиги билдирди. Маалымдалгандай, 9-октябрда Ветеринардык жана фитосанитардык көзөмөл кызматынын Бишкек жана Чүй боюнча инспекторлору борбордогу коомдук тамактануу жайларында, ветеринардык дарыканаларда жана эт сатуу түйүндөрүндө мониторинг жүргүзүштү. Санитардык абал, ветеринардык документтер жана талаптардын сакталышы текшерилди.